| اشترك عبر RSS

جهينة غيرت غطاء زبادو

19 July, 2011 | 2 تعليقات | مصنف في تسويق, شبكات إجتماعية

قامت شركة جهينة بتغيير غطاء علب زبادو بعدما قامت حملة على الفيسبوك ضد زبادو عشان “الغطا بيتقطع واحنا بنفتحه” ..

ما أعجبني في الموضوع مش بس ان جهينة غيرت الغطا استجابة لعملائها لكن ما اعجبني حقا هو الناحية التسويقية لهذه الخطوة

ممكن تفهم قصدي عندما تعرف ان عدد أعضاء الحملة وصل الى 25 الف عضو في حين أن عدد أعضاء صفحات جهينة على الفيس بوك أقل من ذلك بكثير فأكثر صفحة رأيتها للشركة بها ما يقرب من 3000 مشترك

ذكاء الخطوة هو في تحويل حملة هى في الأساس ضد المنتج الى فرصة دعائية للمنتج

أنا كنت شفت الصفحة من فترة وابتسمت لأن فعلا غطاء زبادو بيشل الواحد كل ما ييجي يفتحه يتقطع..لكن نفس الإبتسامة جاءت عندما رأيت إعلان جهينة في الجرنال ويتصدره جملة “احنا آسفين”

الفكرة اللى عايزة اطلع بيها هى ان شركات كتير بتنزعج من الشبكات الاجتماعية عشان الكلام بينتشر عليها بسرعة ولو فيه اى عيب في المنتج والناس اتكلموا عنه الكلام دة هيوصل لعدد كبير اوي من الناس وفيه شركات بتخاف اصلا تفتح صفحات على الفيس بوك لهذا السبب..ودة بالمناسبة حصل مع منتج بابمبرز لما عملوا صفحة ليعرضوا فيها منتجهم الجديد بابمبرز بريمييم وكتبوا على الصفحة انه افضل بابمرز اتعمل في حين انه في الحقيقة اسوأ واحد في السوق حاليا واقل كثيرا من المنتج الذي سبقه ..فما كان من الصفحة الا انها تحولت الى حائط من الشكاوى وكل واحدة تدخل تحكي معاناتها مع البامبرز الجديد -وانا كنت واحدة منهم- بل وتحولت الى اداة للدعاية للمنتجات المنافسة عن طريق مقترحات الزوار للبدائل !

لهذا السبب تخاف الشركات من الشبكات الاجتماعية..فكما انها فرصة للتسويق والتواصل الا انها ايضا منبر للشكاوى

لكن بما ان الشبكات الأجتماعية أصبحت أمرا واقعا،فسواء دخلتها الشركات ام لم تدخلها سيتكلم الناس عن منتجاها ، فليس امام الشركة الا التعامل معها بذكاء

ودة اللى حصل في حملة زبادو فبعد ان كانت الصفحة منبرا للشكوى من المنتج سيصبح مجرد ذكر اسمها بعد ذلك يذكرنا صراحة بحسن تعامل الشركة مع عملائها واستجابتها لهم أكثر مما يذكرنا بغطاء علبة زبادو الوحش الذي ذهب بلا رجعة الى الأبد

الأوسمة:

كيف تستخدم تويتر

15 January, 2011 | 19 تعليقات | مصنف في شبكات إجتماعية

بعكس ما يعتقد الناس تويتر ليس شبكة إجتماعية!

ايوة حتى أصحاب الشركة نفسهم قالوا كدة

تويتر موقع لمعرفة الأخبار وقت حدوثها.. فهو اسرع من الجزيرة والعربية والسي إن إن ومنى الشاذلي ..

بمجرد ما الخبر يحصل ممكن تلاقي ناس بتكتب على تويتر من مكان وقوع الحادث و مش شرط يكون حادث حتى لو مؤتمر ممكن تتابع فعالياته لحظه بلحظة من على تويتر من خلال تحديثات الناس اللى موجودة هناك وهنقول إزاى

الأول بس نقول بعض التعريفات عشان الناس اللى مش عارفة تويتر كويس

  • Following

بعكس الفيسبوك او الشبكات الاجتماعية التانية فنوع العلاقة على تويتر مش علاقة صداقة متبادلة.. يعني مش بتبعت طلب اضافة لواحد وهو يقبلك فانتوا الاتنين تشوفوا اللى بتكتبوه .. لأ على تويتر انت بتعمل فولو او متابعة لأى حد انت عايز تعرف هو بيكتب ايه او أى شركة انت عايز تعرف اخبارها او قناة اخبارية او مجلة او لعيب كورة ومش لازم هو يتابعك..عشان كدة هى مش شبكة اجتماعية

لكن طبعا لو عندك اصحاب عليه اكيد الموضوع هيكون متبادل

أنا حبيت اوضح الحتة دي لأن فيه ناس لما بتتعامل مع تويتر على انه شبكة اجتماعية وبتلاقي ان ماعندهاش اصحاب هناك بتزهق منه وتسيبه مع انه موقع مفيد جدا في رأيي الشخصي وأحسن من فيس بوك بالنسبة لي

  • Tweet

دة الجملة او التحديث اللى انت بتكتبه على تويتر يعني زى الStatus على الفيس بوك كدة

  • Retweet

لما حد بيعجبه اللى انت كتبته بيعمله ريتويت عشان ينشره يعني زى Share

  • Mentions@

لو حد عايز يكتب تويت موجهة ليك انت شخصيا هيعملك Mention

يعني هيكتب اسمك وقبله العلامة دي @

كدة التويتة دي هتظهر عندك تحت تبويبة ال Mentions@ عشان في حالة اذا كان اللى بعتلك التويتة دي انت مش متابعه تقدر تشوف هو كتبلك ايه وترد عليه

لما بتكتب مينشن لحد اللى متابعينك مش هيشوفوها الا اذا كانوا متابعين كمان الحد دة فهتظهر عندهم كمان

يعني لو عايز تبعت رسالة خاصة لواحد ماحدش يشوفها غيره ما تستعملش دي

استعمل الDirect Message

  • Hashtags

دي من أهم خصائص تويتر. الهاش تاج هو عبارة عن كلمة مسبوقة بهذه العلامة # . لو ضغطت على الكلمة دي هتظهرلك كل التويتات اللى مذكور فيها نفس الهاش تاج دة

دة بيكون مفيد لما بيكون فيه حدث مهم وعايزين نتابعه كلنا فبنوحد الهاش تاج وكل واحد فينا بيكتب عن الحدث دة بيكتب الهاش تاج دة في الجملة فتظهر التويتة بتاعته عند كل الناس اللى متابعين الهاش تاج دة

مثال: انهاردة وانا بكتب التدوينة دي من اهم الاحداث اللى حاصلة الثورة بتاعت تونس

فالناس كانوا عاملينلها هاش تاج اسمه sidibouzid#

لو بحثت عن الكلمة دي على تويتر او ضغطت عليها هتظهر لك النتائج كلها من جميع انحاء العالم اللى بتتكلم عن الثورة

عشان كدة تويتر مهم جدا في الأخبار

وكمان في متابعة فعاليات اى حدث .. يعني مثلا لما بيكون فيه مؤتمر ويكون في بلد تانية الناس اللى بتحضر بكتب على تويتر عشان الناس اللى ما حضرتش تبقى متابعة عن طريق هاش تاج موحد مخصوص بنتفق عليه مسبقا او بيكون محدد من الجهة المنظمة

  • Trending

دي بتبقى المواضيع اللى منتشرة على تويتر بسرعة في يوم معين او في ساعة معينة. يعني ناس كتير بتتكلم عنها

دي بتكون مفيده لما بيكون فيه حدث عايزين نوصله للناس في كل العالم . مثلا أيام حرب غزة الناس اتفقوا انهم يعملوا هاش تاج اسمه Gaza# وكله يكتب عنه ويستعمله فلما عددنا زاد اوي الهاش تاج دة حصله Trending يعني ظهر عن كل مستخدمي تويتر في القائمة اللى في الجنب اللى اسمها Trends

يعني انهاردة مثلا كان من ضمن الحاجت اللى حصلها تريندينجBen Ali .. الف الف مبروك

عشان تستمتع بتويتر اعمل فولو للناس اللى انت بتحبهم وبتحب تسمع اخبارهم او للشركات اللى عايز تعرف عروضها واخبارها او الصحفيين او المواقع والمدونات اللى بتتابعها او شخصيات عامة.. والميزة في تويتر ان الشخصيات العامة بيكونوا هما بنفسهم اللى بيكتبوا التحديثات يعني ممكن تتواصل معاهم مباشرة.

في الاول مش هتستمتع بتويتر خالص وهتحس انك تايه وعايز تجري عالفيس بوك حيث الاصحاب والصور والفارم فيل

لكن بعد فترة هتحبه وهتقعد عليه كتير وهتنزله على تليفونك .. وعلى فكرة هو مش كله كآبة يعني فيه ناس ظريفة بردو وساعات يتفقوا على هاش تاج خيالي كله هزار وكل واحد يتخيل  ويكتب اللى هو عايزه من باب التغيير يعني

الأوسمة: ,

كيف تضيف صفحات جديدة من تصميمك لصفحتك على الفيس بوك

22 December, 2010 | 29 تعليقات | مصنف في شبكات إجتماعية

تحديث:

لقد قام فيس بوك -كالعادة- باجراء تغييرات مفاجئة واوقف عمل تطبيق FBML

 لن تستطيع اضافته الى صفحتك لكن اذا كنت اضفته من قبل سيستمر معك

لكني وجدت تطبيقا آخر اسمه Tabpress

اذهب الى صفحة التطبيق الجديد واضفه الى صفحتك عن طريق الضغط على Add to My Page في اليسار

بعد ذلك سيظهر مباشرة على صفحتك علامة تبويب باسم Welcome

بما انك ادمن فستشاهد مباشرة لوحة تحكم لتكتب فيها ما تريد اظهاره للآخرين.. يمكنك كتابة ما تحب او وضع الكود الذي ذكرته بالاسفل لتضع صورة من تصميمك وتربطها بموقعك

ايضا هذا التطبيق يتيح لك عمل نسختين..نسخة لأعضاء الصفحة ونسخة أخرى للزوار الجدد.. يمكنك استخدام هذه الخاصية مثلا كأن تقول للزوار “انضم للصفحة واحصل على خصم خاص للاعضاء” وتضع كود الخصم في النسخة التي للأعضاء.. او “اضغط على “لايك” وهيطلعلك عفريت العلبة” وتحط العفريت في النسخة الأخرى.. كدة يعني

اذا اردت ان تجعل النسختين متطابقتين فادخل نفس الكود في المربعين

——————————————————————————————————

أحيانا بنكون عايزين نضيف صفحات خاصة من تصميمنا الى صفحة المعجبين على الفيس بوك . ليس فقط بغرض الترحيب بالزائرين ولكن مثلا في الصورة بالاعلى ستجد اني وضعت صفحة مشابهة تماما لصفحة المتجر الخاص بي واذا ضغط الزائر على اى جزء من الصور ستاخذه الى هذا الجزء من المتجر فهي تعتبر واجهة للمتجر ولكن على الفيس بوك (يمكنك الضغط على الصورة بالاعلى لرؤية المثال)

البعض أيضا يسأل عن كيفية إضافة صفحة الترحيب ويضع عليها صورة من تصميمه او عليها شعار شركته

لذا سأقوم بشرح الخطوات بالصور ويمكن تطبيق هذه الخطوات على أى صفحة تريد اضافتها

  • اولا تذهب الى Edit Page

ستجدها تحت صورة البرفايل الخاصة بالصفحة

  • اضغط على Apps

  • اضف تطبيق Static FBML

ان لم تكن قد قمت باضافته من قبل ستجده في المقترحات في آخر الليستة قم باضافته عن طريق الضغط على Go to App

اختار اسم الصفحة التي تريد اضافة التطبيق اليها

  • ضبط اعدادات التطبيق

ستذهب مرة اخرى الى صفحة التطبيقات Apps كما شرحنا ثم تذهب الى التطبيق وتفعل حاجتين

  1. أولا تضغط على Edit Settings وتضيف علامة تبويب للحائط
  2. ثم بعد ذلك تضغط علىGo to App لتضيف الكود كما سنشرح

  • اضافة كود HTML

هنا يمكنك اضافة كود HTML لتصميم الصفحة كما تريد

نحن سنضع كود يجعلك تضع صورة من تصميمك واذا ضغط الناس عليها تأخذهم الى الرابط الذي ستضعه في الكود ، مثلا الى موقعك او مدونتك

يمكنك نسخ الكود من هنا مع تغيير الآتي

YOURLINK:  ضع عنوان موقعك او رابطك

مثلا ooshi.net

انا وضعت في الكود http:// لذا فلست بحاجة لاضافتها مرة اخرى فقط ضع اسم الموقع مباشرة

YOURTITLE: ضع العنوان الذي تريد الناس اذا شاوروا على الصورة يظهر لهم

مثلا The T-shirt Republic

PHOTOLINK: ضع رابط الصور بعد رفعها على أى سيرفر ، مثلا سيرفر موقعك او مدونتك او اى خدمة لرفع الصور مثل Photobucket

يجب ان ينتهي رابط الصورة بصيغة الصورة مثلا .png or .jpg

مثلا http://ooshi.net/images/landing.jpg

عند تصمييم الصورة يرجى مراعاة الا يزيد عرضها عن 520 بيكسل حتى تناسب حجم المكان الموجود على الصفحة

هذا هو الكود للنسخ

<a href=”http://YOURLINK” target=”_blank” title=”YOURTITLE “><img src=”PHOTOLINK” border=”0″ /></a>

  • جعل الصفحة هى الافتراضية

الآن بعد اضافة التطبيق ستجعل الصفحة هى الافتراضية لكل الزوار الذين يزورون الصفحة وهم غير مشتركين بها

اذهب الى Wall ثم اضغط على Options ثم Settings

اختار عنوان الصفحة التي اضفتها لتكون هى الافتراضية

الآن انتهيت من كل شيء ولكن قد يطرح البعض سؤالا وهو: كيف ارفع صورة على سيرفر؟

اذا كان لديك مدونة مثلا او موقع قم برفع الصورة في الGallery او Media

ثم خذ رابط الصورة وضعه في الكود كما شرحنا

اذا لم يكن لديك فيمكنك رفع الصورة على اى موقع لرفع الملفات والصور ولكن يسمح لك ان تكون الصورة هناك بشكل دائم ولا يمسحها بعد ايام

الأوسمة: , ,