| اشترك عبر RSS

سبع طرق للشغل على الإنترنت

February 25th, 2010 مصنف في تجارة إلكترونية

المرة اللى فاتت اتكلمنا عن فوائد وعيوب الشغل على الإنترنت

انهاردة ان شاء الله هنذكر بعض انواع او طرق للشغل من على الإنترنت وهي

متجر إلكتروني

أشهر حاجة وغالبا اول حاجة بتيجي على دماغ الناس لما نتكلم عن تجارة  الكترونية. وعشان كدة ان شاء الله هنخصص له موضوع لوحده

تقديم خدمة

ممكن تعمل موقع تقدم من خلاله خدمات تحتاجها الشركات او يحتاجها الافراد زى مثلا التسويق على الإنترنت او الدعاية والاعلان او خدمات استشارية او تنظيم رحلات …الخ.. مثلا موقع اطلب بيقدم خدمة طلب الوجبات الغذائية عن طريق الإنترنت والخدمة دي بتكون للمحلات وللمستهلكين

انا شخصيا لما احب اطلب اكل بفتح موقع اطلب عشان الاقي افكار واشوف قوائم الطعام بتاعت المحلات

وفي الآخر بطلب من التليفون 🙂 … معرفش ليه

تحديث: تغلبت على خوفي الشديد من اني اطلب الأكل ويتأخر عليا وانا جعانة وجربت أخيرا اطلب من موقع otlob.com وكانت تجربة ممتازة حتى اني بقيت معظم الوقت بطلب من عليه بدلا من التليفون عشان قوائم الطعام بتكون امامي والاسعار كلها واضحة وكل حاجة … جربوه

استثمر موهبتك

لو عندك موهبة في الرسم او تصميم الجرافيكس ممكن تعمل موقع مخصوص تعرض فيه تصميماتك للبيع

انا بشتري تصميمات للتيشيرتات من بعض المواقع اللى زى كدة

وفي مواقع زي مثلا

deviantart او Redbubble

بتخليك تعرض تصاميمك وممكن تبيعها او ممكن بيطبعوها على تيشيرتات او اى منتجات تانية وانت بتكسب منها

لو واحدة بتعرف تطبخ كويس او تعمل حلويات ممكن تعمل نفس الفكرة وتعرض الحاجات دي على النت –

لو انت بتعرف تعمل فيدوهات وتستعمل برامج زى مثلا –

Adobe After Effects

Adobe Premiere

ممكن تقوم بعمل فيدوهات  دعائية للشركات الصغيرة بمقابل مادي معقول وكدة بدل ما الشركة تروح تدفع فلوس كتير لشركة دعاية واعلان عشان يعملولهم إعلان ويصوروه ويجيوا بنات ترقص ممكن لو شركة ميزانيتها قليلة تطلب منك عمل فيديو دعائي بشغل جرافيكس احترافي وبتكلفة قليلة

لو عايز تاخد فكرة وتتعلم ازاى تستخدم برنامج أفتر إفكتس في عمل فيديوهات بشكل إحترافي زى اللى بيتعمل في اعلانات الافلام كدة جرب الموقع دة

واهو ترحمونا شوية من اعلانات لبيسة انور اللى على القنوات الدينية

لأن القنوات الدينية عندها نسبة مشاهدة عالية جدا  و اسعار الاعلان فيها مش عالية يعني مغرية لأى شركة معلنة.. لكن الشركة لما بتعوز تعلن هناك بيلاقوا طبعا ان القنوات دي ليها شروط للاعلان وهى ان الاعلان ما يكنش فيه مزيكا وما يكونش فيه بنات.. فالشركات مش بتلاقي حد يعملها هذا النوع من الاعلانات ففي شركات بتحفظ ماء وجهها وتحافظ على اسمها وما تعلنش من الاصل وفي شركات مش بتلاقي قدامها غير لبيسة انور وامرها لله بقى

انت بقى ممكن تتخصص في هذا النوع من الاعلانات وتعمل عينات من شغلك وتضعها على موقعك وتقوم بالتسويق لنفسك بعد كدة و اكيد اكيد اكيد (ان شاء الله) الشركات اللى بتلجأ للبيسة انور دي هيفرحوا بيك اوي

توظيف

مفيش شك ان دة هيكون موقع عليه اقبال شديد جدا في ظل البطالة اللى احنا عايشينها

مزادات

بتخلي الناس تعرض بضاعتها للمزايدة على موقعك وانت ممكن تعمله باشتراك للعارضين او ممكن تاخد نسبة على كل عملية بيع تتم

Freelance  شغل مستقل

ممكن تعمل تصميم مواقع او عمل برامج او سكريبتات بناء على طلب الناس

استثمر خبرتك

بعض الناس بيكون عنده خبرة في مجال معين فبيعمل زى محاضرات على النت باشتراك  والناس بتحضرها عشان تستفيد من الخبرة دي .. زى مثلا محاضرات عن التسويق او عن الجرافيكس … الخ

دي بعض الأفكار لللشغل عن طريق النت وطبعا لو حد يحب يضيف طرق أخرى يا ريت

فوتوكوا بعافية

  • hosaane

    السلام عليكم ورحمه الله وبركاته
    احب ان اشكر حضرتك على قيمه هذه المعلومات
    ولكن ممكن حضرتك تجاوبنى بمنتهى الصراحه عن رايك فى الشغل عن طريق الانترنت
    وما هى المخاطر من ورائه
    وشكرا

    من لاالله الاالله

  • وعليكم السلام ورحمة الله وبركاته
    طبعا الشغل عن طريق الانترنت له عيوب ايضا وانا كنت كتبتها في المقال دة : http://blog.ooshi.net/67/%D8%B9%D8%A7%D9%8A%D8%

    مثلا انه مش منتشر اوي في العالم العربي ودة بيخلي الناس تشتري منك بحذر شديد لانهم مش متعودين يشتروا حاجة من غير ما يشوفوها وبالتالي بيكون عليك مجهود كبير انك تبني ثقة عند الناس وتعطيهم الضمانات الكافية
    أيضا هناك مشكلة في طرق الدفع لان الناس مش بتحب تستخدم الفيزا على الانترنت فالطريقة الوحيدة اللى تخليك تبيع للناس في مصر هى انك تخليهم يدفعوا عند الاستلام ودة بيكون فيه عيوب طبعا ان احيانا بيكون فيه عدم جدية من اللى طلب السلعة ودة بيضيف عليك مجهود تاني انك لازم تتأكد انه جاد عن طريق مكالمته في التليفون قبل ارسال الشحنة حتى لا تتحمل انت تكاليف الشحن على الفاضي

    لكن لا شك ان التجارة الالكترونية هى مستقبل التجارة في العالم .. دلوقتي معظم الماركات العالمية اصبح لها متاجر على الانترنت والناس اسهلها تطلب الحاجة وتوصلها لحد البيت وكمان اصبح هناك مواقع في العالم العربي تسهل وتشجع عملية التجارة الالكترونية مثل موقع Souq.com دة بيخليك تبيع وتشتري بأمان تام وانا شخصيا بحب البيع عن طريقه وان شاء الله هكتب مقال مخصوص عنه
    أنت سألت عن المخاطر فأحب ان انبهك الى مشكلة ربما لا تواجهها ولكن بردو هقولك عليها . بعض البائعين اللى عندهم حساب على موقع مثل
    Paypal
    بيواجهوا احيانا محاولات نصب .. يعني مثلا لأن هذا الموقع عايز يوفر أمان للمشترين عن طريق حمايتهم من نصب البائعين وذلك ان المشتري اذا دفع ثمن سلعة ولم تصله يبلغ الموقع فيعيد اليه المبلغ. للأسف بعض الناس بيستغلها استغلال سيء وبيروح طالب حاجة غالية ويعد ما تصله يقدم شكوى ضد البائع عشان يسترد امواله مع انه أخذ السلعة. عشان كدة دايما لما تشحن حاجة وتكون بتستخدم مواقع للدفع زى باىبال لازم تأمن نفسك عن طريق الشحن عبر شركة محترمة تجعلها تأخذ امضاء من العميل انه استلم الشحنة حتى يكون عندك اثبات انه استلمها . هناك موقع آخر مثيل اسمه
    Moneybookers
    وهو افضل من هذه الناحية انه بيحمك من الحاجت دي وانا شخصيا عملت حساب فيه عشان لو حد طلب منى من خارج مصر وأصلا احنا في مصر غير مسموح لنا بانشاء حسابات على باىبال فالبديل لنا هو هذا الموقع

    و بالتوفيق ان شاء الله في تجارتك
    —————————————————————
    ملحوظة: معذرة انا عدلت تعليقك لانه كان فيه خطأ بسيط في عبارة لا اله الا الله (كان مكتوب لا الله الا الله) فعدلتها وارجو قبول اعتذاري

  • Pingback: وصلات عن التجارة الالكترونية (1) | مدونة التجارة الالكترونية()

  • Amal

    رائع
    جزاك الله خير
    استفدت كثيرا

  • جزانا واياكم ..ومرحبا بك في المدونة

  • Nnmmxx

    السلام عليكم ورحمة الله وبركاته

    مبارك عليكم شهر رمضان شهر المغفرة والاحسان

    عزيزي القدير

    لك الشكر ووافر الامتنان
    على هذا الموضوع القيم والذي له اهميه كبيره في تطوير الذات

    واكتساب خبرات ومهرات ..

    الله يجزاك كل خير ويعم بنفعة الجميع

    محبك في الله

    ابو سلطان

  • ِشكرا لك انت على تعليقك يا زكي
    انا فعلا بفكر بجدية اني ابطل طريقة الدفع عند الاستلام والجأ لطرق الدفع على الانترنت مثل موقع
    Moneybookers

  • أشكرك أخي ابو سلطان على هذا التعليق المشجع
    كل عام وانتم بخير

  • Zaki Designer

    شكرا جدا على المقالات الرائعة ديه

    وبالنسبة لطرق الدفع فى دولقتى الحساب البنكى
    كمان العميل يقدر يبعت على اى بنك لو ما عندكش حساب

    انا مصمم جرافيك
    يسعدنى التعاون معك
    http://www.zaki-designer.com

  • حسام

    جزاكم الله خيرا يا فندم مقال جميل ومدونتك كلها رائعة ومفيدة
    انا كنت بدور فعلا على موضوع الشغل على النت بس انا كنت عايز اسئل على حاجة معينة وهى الشغل على النت من غير ما يكون عندك موقع يعنى تشتغل بالساعة مثلا من البيت بمقابل تتفق عليه مع صاحب العمل نظير خدمات معينة انك مثلا تتباع موقعه او يبعتلك شغل تنفذه من البيت جرافيك او برمجة او اى شيىء كانك موظف عنده بس من البيت
    يعنى انا اسمع عن الموضوع دة منتشر برة بس معرفش فى مصر هنا ايه ظروفه ياريت لو عند حضرتك معلومات تفيدنا بيها وجزاكم الله خيرا وكل سنة وانتى طيبة ورمضان كريم

  • كل سنة وانت طيب يا حسام

    هو فعلا فيه مواقع برة كتير بتقدم الخدمة دي وهى انك تعرض خدماتك عليها وبيكون فيه ناس في نفس الوقت بتطلب خدمات يتم انجازها عن بعد ويكون الاتفاق وكل حاجة عن طريق الانترنت زى مثلا موقع
    http://www.elance.com/

    دة انت ممكن تشترك فيه وتعرض خدمتك لان مش شرط ان طالب الخدمة يكون من نفس البلد اللى انت فيها مادام الشغل كله على النت

    أما اذا كنت تفضل موقع عربي وتتعامل مع عرب فهناك موقع كان وصلني اعلانه من فترة له نفس الفكرة ونفس آليه العمل وهو موقع
    http://www.khedmah.com

    بردو بتسجل فيه وتحدد اختصاصاتك وتعرضها وتلاقي ناس طالبة خدمات و بيتم الاتفاق على السعر ومدة التنفيذ وبيكون الموقع وسيط بينك وبين الطرف الآخر مقابل 10% من الأجر والأهم ان الموقع هو اللى بيتولى تنظيم طريقة الدفع عشان ما يحصلش مشاكل

    هو الموقع لسة تجريبي وفي الأول يعني العروض مش كتيرة اوي بس دة معناه بردو ان المنافسة مش شديدة … جربه يمكن يعجبك

    بس نصيحة مني يا حسام حتى لو مش عندك موقع على الاقل اعمل لنفسك مدونة او صفحة على الفيس بوك تعرض عليها اعمالك لأن انا مثلا لو هطلب خدمة من حد على الانترنت وجائني عروض كثيرة هحب اشوف اعمال الناس دي الاول واختار على اساس شغلهم السابق

    رمضان كريم

  • Pingback: links for 2010-10-29 « Free Open Source Directory()

  • Shimaa

    رغم ان فكرة الموضوع حلوة اوى بس للاسف طرحك مستفذ
    عيب اوى انك تتريق ع القنوات الدينيه بالشكل ده
    المفروض انك تحترم كل وجهات النظر خصوصا لو كانت على اساس دينى
    انا ابرأ ذمتى فقط لما قرات
    وفقك الله لما يحبه ويرضاه

    • شيماء ممكن توضحيلي انا اريقت فين على القنوات الدينية نفسها؟؟؟

      انا بنتقد الاعلانات اللى بتيجي عليها اللى بتقعد 15 دقيقة تعيد وتزيد في نفس الكلام ومعظم الناس بتكره الطريقة دي لانها مستفزة جدا. ودة ليس له اى علاقة من قريب او من بعيد بالقناة نفسها او بمنهجها لأن المعلن دة واحد بييجي يدفع فلوس عشان ياخد مساحة اعلانية وطالما انه ملتزم بمنهج القناة فالقناة بتوافق .. انا بدعو الشباب هنا انهم يتعلموا جرافيكس عشان يعملوا اعلانات حلوة بدون موسيقى او بنات بترقص!! يعني بدعوهم انهم يعملوا حاجة توافق الشريعة وفي نفس الوقت تكون مقبولة عند الجمهور بدل الاعلانات المستفزة اللى بتيجي حاليا…

      يا ريت حضرتك تقرأي المقال مرة اخرى عشان ممكن يكون الامر وصلك بطريقة غلط بس والله دة مش قصدي خالص اني اتريق على القنوات الدينية نفسها بس دة حقيقي ان المعلنين اللى بيعلنوا على القنوات دي اعلاناتهم وحشة.. تعرفي ليه؟ لأن اى شركة دعاية واعلان كبيرة بتستخدم الموسيقى والرقص في شغلها وللأسف لسة ما عندناش شركات دعاية واعلان محترفة تقدر تعمل اعلان جميل بدون مخالفات شرعية وهو دة اللى انا بدعو الشباب انهم يعملوه واكيد فرحة اصحاب القنوات الدينية بالشباب دول هتكون اكبر بكتير من فرحتهم بالمعلنين الحاليين دة غير ان وجود مثل هذه الشركات سيؤدي الى زيادة المعلنين على القنوات الدينية لأن زى ما شرحت نسبة المشاهدة بتاعتها عالية جدا واكيد فيه شركات كبيرة كتير جدا نفسها تعلن هناك لكن فيه شركات بتعرض عن الاعلان على القنوات دي لأن حاليا ليس هناك طريقة اخرى لانتاج اعلان يتوافق مع الشريعة الاسلامية الا الاعلانات المستفزة اللى بتيجي حاليا .. لكن لما الشباب يتعلموا يعملوا الاعلانات دي بالضوابط الشرعية ويطلع الاعلان شكله حلو وفي نفس الوقت غير مخالف الشركات الكبيرة هتلجأ لهم لتصميم اعلان يصلح للعرض على قناة الرحمة مثلا

      اتمنى انى اكون وضحت وجهة نظري لحضرتك ولأى حد تاني هيقرأ المقال وتوصله نفس الفكرة

  • hussain

    السلام عليكم
    انا حسين من بريطانيا , بصراحة مرا استفدت من مدونتك وماشاءالله عليكي مجربة ولكي خبرة , قرات في مقالتك هدي انو استثمر القدرات الي عندك فلو كنت تعرف تصمم او تطبخ بصراحة انا معرفش لا اصمم ولا اطبخ بس حبيت العمل على النت وفكرت افتح موقع لبيع التمور في بريطانيا بجودة عالية وخاصة تمور المدينة المنورة بس جات فكرت الشحن من السعودية لبريطانيا ووقفت عائق وخاصة انو الشحنات الكبيرة بيكون عليها جمارك وغير كدا ماعندي مكان لتخزين البضاعة وخاصة انها اكل وممكن يخرب , انا عندي مبلغ كويس وعايز استثمره طبعا انا من السعودية بس حاقعد في بريطانيا قريب سنتين للدراسة . بحكم خبرتك ممكن توجهيني بنصائح او افكار ممكن استفيد منها وبحكم خبرتك في منتجات ممكن تتسوق في بريطانيا خاصة انو عندنا الشحن والدفع بالكريديت مرا سهل  . شكراً جزيلاً وفي انتظار ردك

    • بصراحة يا حسين انا ليس عندي اى خبرة بالسوق البريطاني..لكن اذا تريد نصيحة منى اذا انت ذلهب هناك للدراسة فأفضل ان تركز في الدراسة حتى تنتهي منها لان المشاريع تستهلك وقت هائل ومجهود كبير لأنك تكون لوحدك تفعل كل شيء فلا تتجه لإنشاء مشروع على حساب وقت دراستك..البعض يظن ان عمل مشروع صغير على الانترنت سيكون سهلا لكن والله هو يستهلك وقتا كبيرا جدا ومجهود اكبر اذا اردت ان يكون المشروع ناجحا وغصب عنك ستظل تفكر فيه وفي كيفية انجاحه وسوف تهمل دراستك

  • المشكلة انى مش عارف اى حاجة وعايز اكسب فلوس وخلاص
    فممكن تكلمنى على الاميل
    a_m123616@yahoo.com
    ولو حتى انت اللى تشغلنى

  • انا فعلا عندي موهبه في التصميم (بس مبيشكرش في نفسه ويمدح فيها غير الشيطان) وبردو عملت موقع بس مش عارف ازاي اعرض التصميمات فيه واكسب منها

    • هناك مواقع متخصصة تساعدك على عرض تصميماتك وبيعها يمكنك وضع تصميماتك بها الى جانب موقعك الخاص
      مثلا جرب هذا الموقع http://www.redbubble.com/
      يقوم بعرض تصميماتك واتاحتها للبيع على منتجات وانت تحصل على نسبة

  • Alassaf

    السلام عليكم
    اشكرك على هذه المعلومات  المفيدة كتير
    انا في القاهرة بعمل دراسات عليا وعندي خبرة اكتر من 20 سنة في مجال نظم المعلومات ويمكن ان اقدم خدمات تطوير نظم واتقديم استشارات وتدريس وعندي برنامج متكامل بخدم المؤسسات الصغيرة (محاسبة,مستودعات,شؤون عاملين,المعاهد,….) وعندي وقت فراغ كتير وبدور على افكار للاستفادة من خبرتي وبرامجي.
    وعندي استعداد للتعاون مع اي جهة بهذا الخصوص.
    ارجو ارشادي

  • shimaa

    طيب انا بعرف اعمل فيديوهات لكن بسيطة اوي ,,يعني بستخدم فيها الباوربوينت عشان مثلا اقدر اخلي الكلام بشكل معين او اقدر اخلي الكلام يتحرك ,, يعني حركات بسيطة للحروف والجمل , إلى جانب اختيار الخلفية , وبعد كده بسجله بالكام ستديو (ده برنامج بيسجل ) وبعد كده بستخدم الموفي ميكر ,,, يعني مثلا تقدروا تشوفوا الاعلان ده ,,وتقولولي رايكم ,, وازاي انا ا
    قدر استغل الحكاية دي واشتغل بيها من خلال الانترنت ,, علما باني زي ما قولتلكم ان البرامج المستخدمة في عمل الفيديو بسيطة جدا جداااااااا,,
    http://www.youtube.com/watch?v=QH1vLPdRtvM
    http://www.youtube.com/watch?v=awptR4zDX6U&feature=related

  • Swify2

    سلام عليكم
    انا هعرض عليكم بيزنس جامد جدا عن طريق النت عشان تستفيدوا  و الناس تستفيد .
    فى شركه تنقيب عن الدهب اسمها فيرجن جولد للتنقيب عن الذهب والمعادن

    الشركه قامت بطرح اسهمها للاكتتاب و توزيع ارباح ثابته شهريه على
    المساهمين سعر شراء 1000 سهم = 1600$ + 150$ مصاريف تحويل = 1750$ يعنى
    بالمصري 10500جنيه
    الارباح التى توزع على الف سهم بتكون 12% من سعر اوقيه الذهب التى تتراوح مابين 1550$ الى 1800$
    يعنى تربح من 185$ الى 200$ شهريا
    اذا اردت الاستفسار لاتتردد فى الاتصال 01004800491
    لمزيد من التفاصيل
    https://www.facebook.com/pages/Arab-vgmc/186132144761665للتسجيلhttps://secure.vgmc.com/SH/docs/RegistrationMembers.aspxرقم المحيل :064174028035

  • Ahmed_mayo

    طب انا مش عندى ايميل ومش بعرف اعملة وده ايميل اخى  وهو مش عايزنى اعمل ايميل وانا بكتب بايميله من غير ما يعرف

  • NOUR

    موضوع رائع جدا جدا جدا شكرا علي الافاده ونتمني ان تأتي بالمزيد والمزيد

  • Engahmed110

    السلام عليكم ورحمة الله وبركاته
    اولا بشكر حضرتك جدااا على هذه الاضافات الرائعه , انا كنت عاوز اعرف لو هعمل موقع  هيكلف كام ولو هبيع عليه منتجات هيتم ازاى , ولكى جزيل الشكر

  • Saraha84_06

    السلام عليكم
    انا يا اختي اريد العمل بالبيت لانني متزوجة و مصاريف البيت كثيرة و دخل زوجي قليل جدا
    و ليس لدي الوقت للوظيفة برات البيت
    لو في مجال تساعديني و تلاقيلي وظيفة بشتغل بها بالبيت مع العلم انا خبيرة بمجال الكمبيوتر و الحمد الله مثلا الورد اكسال و ايضا مجال الفيديو ……..المهم الحمد الله
    و ارجو الرد على ايمايلي اذا امكن
    sarah84_06@hotmail.com

  • Aya_osama333

    أنا حموت وأشتغل على النت
    وكنت عاوزة المواقع اللى بتفرج على الاعلانات بتاعتها وتديني فلووووووووس 

  • Tariq

    السلام عليكم ورحمة الله وبركاته
    انا مصمم جرافيكي وعاوز اني اعرض تصميماتي واشتغل بصور وحاجات انتو تطلوبها بس ساعدني اني اوصلك عشان اعرضلك تصميماتي وشغلي واشتغلك باي مجال بالصور انتا عاوزو
    وشكراا

    • انا حاصل على خبرة في مجال تصميم الصور

      استطيع ان اعمل على الصور الجرافيكية بشكل ممتاز

      من تصميم كروت ولوجوهات وكارمس ومعلقات

      واعمل تصاميم خيالية .. حيث الطلب ..

      فمن بحاجة لاي تصميم ولاي صورة .. فقط ما عليه الا طلب تصميمه وله اجمل التصاميم

      وبسعر جيد ..

      للاستفسار ولطلب اي تصميم تواصلوا معي على البريد الالكتروني

      gerias-1994@hotmail.كوم

      والهاتف :

      محلي في فلسطين ٠٥٩٥٥٤٣٣٢٠

      دولي 00972595543320

      I have a experience in the field of design images

      I can work on the graphic images are excellent

      Graphics and design of logos and Karmes suspensions

      And fanciful designs work .. where demand ..

      It is in need of any design, any image .. just what they asked, but has designed the most beautiful designs

      And at a good price ..

      For inquiries and to request any design you will continue with me on e-mail

      gerias-1994 @ hotmail. com

      Phone:

      Local in Palestine 0595543320

      International 00972595543320

  • انا حاصل على خبرة في مجال تصميم الصور

    استطيع ان اعمل على الصور الجرافيكية بشكل ممتاز

    من تصميم كروت ولوجوهات وكارمس ومعلقات

    واعمل تصاميم خيالية .. حيث الطلب ..

    فمن بحاجة لاي تصميم ولاي صورة .. فقط ما عليه الا طلب تصميمه وله اجمل التصاميم

    وبسعر جيد ..

    للاستفسار ولطلب اي تصميم تواصلوا معي على البريد الالكتروني

    gerias-1994@hotmail.com

    والهاتف :

    محلي في فلسطين ٠٥٩٥٥٤٣٣٢٠

    دولي 00972595543320

    I have a experience in the field of design images

    I can work on the graphic images are excellent

    Graphics and design of logos and Karmes suspensions

    And fanciful designs work .. where demand ..

    It is in need of any design, any image .. just what they asked, but has designed the most beautiful designs

    And at a good price ..

    For inquiries and to request any design you will continue with me on e-mail

    gerias-1994 @ hotmail. com

    Phone:

    Local in Palestine 0595543320

    International 00972595543320

  • sama

    هو انا مش فاهمة ايه موضوع لبيسة انور والاعلانات دي ممكن توضحي ؟!

  • Basma Emad

    السلام عليكم انا متزوجه وكنت عايزه اشتغل من النت وليس معي نقود اتمنه التواصل BASMA.B95@YAHOO.COM