| اشترك عبر RSS

عايز تعمل مشروع تجاري على الإنترنت؟

February 22nd, 2010 مصنف في تجارة إلكترونية

يلا يا شباب عايزين نقضي على البطالة

امبارح كنت بقرأ مقالة كاتبها صاحب شركة من اكبر شركات استضافة المواقع(هوستينج) على الإنترنت. وفعلا القصة كانت محفزة جدا وتشجع الناس انهم يشتغلوا في سن صغير ويعملوا مشروعات ممكن في يوم من الأيام تبقى من أكبر المشروعات في العالم.القصة هنا لو حد يحب يقراها

دي مش القصة الوحيدة طبعا أكيد معظمنا قرأ قصص شباب كتير عملوا مشاريع على الإنترنت وهما لسة في سن صغير والمشاريع دي بقت عالمية وكل الناس بتستخدمها زى مثلا

Youtube, Facebook, Twitter, Google, Hostgator

احنا كمان عايزين نستغل الإنترنت مش هقول عشان نخترع مشاريع كبيرة ، بس على الأقل على الأقل عشان نقلل من حجم البطالة اللى عندنا… يعني مثلا لو واحد مش لاقي شغل ومعاه شوية فلوس مش كتير (هنتكلم عن رأس المال بعدين) ممكن يحاول يبدأ بيهم مشروع على النت… بس إوعوا حد يسيب وظيفته عشان يبدأ مشروع جديدعلى النت.. احنا بنكلم الشباب اللى مش لاقي وظيفة ..آه مش نيجي نظبط الجاكتة البنطلون يضرب ونلاقي الناس سابت اشغالها ولاصت..  ممكن يعمل المشروع جنب الوظيفة لحد ما يعرف المشروع هينجح ولا لأ وبعدين يقرر .. لكن مش عايزين مجازفات الله يكرمكوا

الملاحظ ان الستات عاملين شغل كبير اوي على الفيسبوك … النساء قادمون يا شباب … انا دخلت صفحات كتير اوي عاملينها بنات وستات وبيبيعوا من خلالها ودي فكرة ممتازة لأى واحدة عايزة تشتغل من البيت

إن شاء الله هنبدأ سلسلة مقالات عن التجارة عبر الإنترنت .. انهاردة هنذكر فقط فوائد وعيوب هذه التجارة

فوائد التجارة على الإنترنت
  • انك بتشتغل من البيت … بالبيجاما يعني
  • ان وقتك بيكون ملكك… مفيش مواعيد شغل
  • انك ممكن تبدأ بأقل ميزانية .. طبعا يعتمد على مشروعك بس ممكن
  • انك بتكون رئيس نفسك … أنا المدييييييير
  • اننا ممكن نخفف الزحمة عن الشوارع
  • اننا ممكن نقلل من البطالة
  • انها فرصة لاثبات ذاتك
عيوب التجارة على الإنترنت
  • انها مش منتشرة في مصر .. ايوة دة عيب مش ميزة
  • ان الناس ممكن تخاف تشتري منك لانهم مش شايفينك ومش شايفين بضاعتك
  • ان ممكن ناس تشتغلك

بتحصلي والناس بتدخل تلعب بالبرنامج بتاع التصميم وتعمل اوردرات ولما اكلمهم تطلع النمرة غلط او تطلع صح ولما اسأله انت عملت اوردر يقول لي لأFree Userbars … يبقى أكيد بقى في حد غريب معانا في المغارة

  • إن مفيش مواعيد عمل

ايو ذكرتها في المميزات ودلوقتي بذكرها في العيوب لأن لو انت متعود على الوظيفة الحكومية انك بتروح الصبح تشرب شاي ومعاه شندوتش فول وتقرأ الجرايد وتلعب كاسحة الالغام واول ما الساعة تيجي خمسة الا ربع تنزل تروح يبقى ممكن تتعب لما تعمل شغل خاص لأنك  هتكون مسؤول عن كل شيء

  • إنك هتكون بتقوم بكل الشغل لوحدك .. لأن في البداية مش هتجيب موظفين

دي شوية عيوب بس ممكن التغلب عليها بسهولة ولو حد جه على دماغه عيوب او مميزات اكتر ياريت يشارك بيها

المرات القادمة ان شاء الله هنتكلم عن المتجر الالكتروني ، ازاى تعمل موقع الكتروني ، كيفية التسويق لمنتجاتك على الانترنت ، ازاى نستغل الشبكات الاجتماعية زى فيسبوك وتويتر … وحاجات تانية كتير … كل مرة هناخد موضوع ونحاول نتكلم فيه بالتفصيل ونعرف منكم اقتراحات ممكن تفيدنا وتفيد الناس

في تصويت هتلاقوه على اليمين في المدونة هنا يا ريت أعرف رأيكم … مش هياخد منكم وقت خالص

سؤال يطرح نفسه: وانتي بقى هتقولي للناس ازاى يعملوا مشاريع عشان في الآخر ينافسوكي؟

ج: أولا الرزق دة بتاع ربنا

ثانيا ماحبكش يعني لما تيجوا تعملوا مشروع تعملوه زى بتاعي بالظبط .. ما تغلسوش يعني

ملحوظة: الكلام اللى هنقوله معظمه هتلاقوه موجود على الانترنت باللغة الانجليزية في مواقع ومدونات غربية كتيرة اوي … يعني مش اختراع … انا هكتبه باللغة العربية عشان لو حد فعلا عايز يستفيد ما تبقاش اللغة حائل بينه وبين انه يعمل مشروع او يعمل حاجة ممكن تنجح في يوم من الايام وربنا يجعلنا سبب في هذا النجاح ان شاء الله

وفُتكم بعافية

انضم لجمهورية التي شيرتات على فيس بوك




مقالات أخرى
  1. سبع طرق للشغل على الإنترنت
  2. فوائد البيع عن طريق مول تجاري على الإنترنت
  3. إزاى تشتري من على الإنترنت بدون حساب بنكي؟
  4. صفحة المليون دولار
  • Ahmed

    فكرة جامدة جدا جدا جدا
    انا ليا صحاب كتير عاملين مشاريع على النت
    بيعملوا مواقع و بيكسبوا من الاعلانات
    و صراحة مكنتش الفكرة مشجعانى لانها متحسش انك بتعمل حاجة
    غير بتحط حاجات
    اساسا بتاخدها من مواقع تانية
    و اهو كله بياخد من كله
    بس فكرتك حلوة
    شعللتى الفكرة فى دماغى
    منتظرين بقيت الموضوع
    Thanks alot

  • http://www.ooshi.net/ Ooshi

    العفو يا أحمد
    هو احنا فعلا هنركز اكتر على ان الواحد يبيع حاجات على النت .. موضوع الاعلانات ممكن يبقى لو حد مش عنده رأس مال خالص ويبدأ من الصفر او ممكن يبقى حاجة جانبية الى المشروع الاساسي وتساعد في تغطية تكاليف المشروع و زى ما انت قلت مش بتحتاج مجهود كبير

  • Madyehab2010

    بجد موضوع تحفة تحفة تحفة الحقيقى انا استفدت جدا خاصا انى نفسى اعمل من البيت كدة زى الاخت رشا بس مش عارفة ابدا منين ولا ازاى انا بجد عندى طاقة و ووقت و عزيمة و عايزة اعمل حاجة من البيت او من الانترنت و اشتركت فى شركات ربحية و ادينى لسة بدور بس بجد مين عالم يمكن اعمل حاجة رغم احباط المجتمع اللى حوالية
    بالمناسبة انا جوزى عندة موقع بس زى قليتة انا شخصيا و هوة كمان مبيدخلوش ازاى نقدر نستفيد منة و انا اتعلمت عجينة السيراميك و حاجات كتيرة ممكن اعرف اعمل حاجة من الخبرات اللى اتعلمتها دية و استغلها و اسوقها من النت و مشكلة الشحن و الدفع دية تتحل ازاى
    جزاكم الله عنا كل خير

  • http://www.ooshi.net/ Ooshi

    السلام عليكم اختي الكريمة
    أشكرك جدا على تعليقك الجميل .. ارجو قراءة هذا المقال عن البيع عن طريق مول تجاري على الانترنت مثل موقع
    Souq.com
    http://blog.ooshi.net/293/%d9%81%d9%88%d8%a7%d8…

    ان شاء الله ستجدي الحلول العملية لمشكلتي الدفع والشحن لأن الموقع يتولى هذا الأمر وانا شخصيا ابيع من خلاله الى جانب البيع عن طريق موقعي الخاص

    يمكنك ايضا قراءة مقال : سبع طرق للشغل على الانترنت عشان تاخدي افكار عن المشاريع اللى ممكن تتعمل من الانترنت ولو عندك افكار جديدة نرجو مشاركتها طبعا لافادة القراء
    http://blog.ooshi.net/96/%D8%B3%D8%A8%D8%B9-%D8…

    ولو عايزة تعملي متجر الكتروني فهناك طرق عديدة لجلب البضاعة التي تودين الاتجار فيها هتلاقيها في مقال: سبع طرق لشراء البضاعة لمتجرك
    http://blog.ooshi.net/283/%d8%b7%d8%b1%d9%82-%d…

    اذا عندكم موقع ويدخله زوار كثيرون فيمكنك استغلال ذلك في وضع اعلانات عن متجرك الالكتروني وبالتالي جذب الزوار الى مشاهدة بضاعتك وشرائها اما اذا كان الموقع لا يعمل وليس به زوار فيمكنك تحويل نشاطه الى متجر الكتروني واستغلال مساحة الاستضافة هذه في المجال الجديد

    ارجو ان اكون قد افدتك واهلا بك في مدونتي المتواضعة :)

  • Madyehab2010

    اكيد طبعا افدتبنى كتير انا هدخل على الينكات دية وجزاكى الله خيرا و هتابع اعمالك ويارب فى يوم ابقى كدة زيك اعمل مشروع من البيت و ينجح و بالمرة بقى احب اعرف اذ كان فى تى شيرتات 3 اكس بس تعمليلى خصم

  • Madyehab2010

    على فكرة انا شوفت لقائك على الجزيرة متخيلتيش انك منقبة وواضح انك ليكى فى العنجليزى ربنا يثبتك يا رشا و يوسع رزقك بجد بجد انتى شجعتينى اعمل حاجة نى احنا تقريبا ظروفنا واحدة و ياريت نبقى صحاب يمكن انا كمان ابقى سيدة اعمال فى ذات يوم من الايام بس متخفيش مش هنافسك ياريت اعرف ايميلك و نبقى صحاب

  • http://www.ooshi.net/ Ooshi

    لا للأسف اكبر مقاس 2 اكس لارج :)

  • Aimnngar

    الله ينور مجهود ممتاز وربنا يوفقكم

    • http://www.ooshi.net Ooshi

      ربنا يخليك يا ايمن .. شكرا على التشجيع

  • Love_mrmr201062

    انا عايزة اشترك

  • Love_mrmr201062

    ممكن لوسمحت اشترك اصل انا محتاجة الشغل دة ضرورى ارجو الرد

    • http://www.ooshi.net/ Ooshi

      تشتركي في ايه؟

  • Tagrasamir

    انا عندى مشروع احسن كمان من كده هو
    شراء اسهم فى شركة فرجين جولد والتجارة بهم

    ودى كل المعلومات واللى عاوز المزياد
    ياريت يتصل بى 01001072231

    New
    Registration at VGMC

    Referrer
    ID :064070580963

    https://secure.vgmc.com/SH/docs/RegistrationMembers.aspx?lang=EN

    2-
    the price of share for GVMC

    units
    = 1000 share

    Price
    of share = 1.45 $ ————– → units =1450

    Prize
    of 10 units → 14500

    3-
    USD monthly

    units
    give monthly =0.1x gold(0z)

    exp..

    0.1x
    1600=160$

    2units=2×1450=2900
    $

    10
    units =14500 $= 1x gold(0z) monthly

    http://www.VGMC.com

    http://www.youtube.com/watch?v=9BRnOuqEB7k

    http://www.facebook.com/#!/pages/VGMC-Malaysia-Global/210428995658522

    http://www.facebook.com/#%21/pages/VGMC-Singapore/111143908933379

    please
    forward this E-mail to your friends

    If
    you are have any questions please send to me

    Thank
    you for your cooperation

    TagraSamir@yahoo.com

     

  • Essam 1985

    حلمك أصبح حقيقة الآًن يمكنك العمل من المنزل

    الآن دع
    البطالة ولا تنتظر الوظيفة .. فلن تحقق لك شيئاَ في غالب الأحيان
    الآن يمكنك
    تحقيق طموحاتك المالية بعيدا عن ملل انتظار ما لن يجيء
    الآن يمكنك
    تحقيق ذاتك والتحرر من ضغوط الوظيفة
    الآن يمكنك بدء مشروعك الخاص دون مخاطر أو عقبات
    الآن يمكنك تحقيق دخل رائع متزايد دون حدود
    الآن يمكنك التحكم في وقت عملك وقضاء وقت أطول مع أسرتك
    الآن يمكنك ممارسة هواياتك التي توقفت عنها نتيجة لضغوط الوظيفة
    الآن يمكنك أن تعيش حياتك بشكل مختلف تماماَ

    السؤال ألان كيف يتم ذلك بعيد عن الإعلانات الكاذبة الخادعة واربح من
    المنزل ألاف الدولارات بدون تعب وجهد كيف يتم ذلك وهل الجنيه اللي تكسبه بدون تعب
    وجهد بيكون ليه طعم معتقدش  لازم تتعب
    وتجتهد علشان توصل وتكبر وانظر إلى كل الرجال الناجحون في حياتهم كيف وصلوا إلى
    القمة عن طريق التعب والجهد والاجتهاد ليس عن طريق الضغط على الإعلانات ولكن
    بمجهودهم وتعبهم

    معنا هتربح من الانترنت  معنا هتعمل من المنزل معنا
    هتحقق دخل شهرى ثابت بس لازم تتعب وتجتهد

    عن طريق حجز متجرك الالكتروني عن طريق هذا المتجر تستطيع وضع إعلانات
    لشركات والمحلات والمصانع ووضع منتجات تستطيع عن تبعها من على الانترنت أو تسوقها
    لشركة أو مصنع أو محل أو سوبر ماركت وطبعا كل ده هيكون بمقابل دور حوليك في شارعك
    أو قريتك أو حارتك أو محافظتك أو مدينتك على كل شركة أو مصنع أو محل وانزل للناس
    دى واعرض عليهم تسويق منتجاتهم على هذا المتجر وإنشاء الله التوفيق هيكون
    حليفك  كل اللي عليك انك تحجز متجرك من دعاية اونلاين

    للاستعلام برجاء الإيصال بــــــ

    تليفون :- 01112469791

    تليفون :- 01063130100

    مرسلتنا
    على البريد الالكتروني :-

    d3ayahonline@gmail.com

    لزيارة
    الموقع :-      http://www.d3ayahonline.com

     
     

  • abdelaziz

    انا عاوز اشتغل ازاي

  • abdelaziz

    حد يرد علية

  • abdelaziz

    انا عاوز اشتغل