| اشترك عبر RSS

إزاى تشتري من على الإنترنت بدون حساب بنكي؟

February 15th, 2010 مصنف في تجارة إلكترونية

ساعات بنكون عايزين نشتري حاجات من برة مصر عن طريق الانترنت بس بيكون المشكلة انك لازم تدفع عن طريق تحويل من البنك او عن طريق كروت الإئتمان اللى مخاطرها كتيرة اوي على النت

مثلا وانا بكتب الموضوع دة عملت بحث في جوجل عن كروت الائتمان وصادفت منتدى بتاع هاكرز بيقول “كل ما يتعلق باستخدام وسحب وسرقة بطاقات الائتمان وكيفية التعامل معها”  وعاملين كمان سحب على بطاقات الائتمان المسروقة!!! … ودي حاجة منتشرة جدا ولو حصلت معاك ممكن يتخرب بيتك

اذكر اني لما كنت في الجامعة كان معانا ناس بيشتروا حاجات من على الانترنت ببطاقات ائتمان مسروقة وبعد كدة يبيعوها وكله على خساب صاخب المخل الغلبان

المهم … في حل تاني كويس اوي ( لا ما تخافوش مش لبيسة انور) وهو كروت فيزا مسبقة الدفع

Visa Prepaid Card

اللى مش راضي يدخل مصر ضمن الدول المشتركة فيه Paypal ولا الحوجة لل

دي بقى ليها ميزات كتير اهمها

انها بدون حساب بنكي … يعني مفيش ربا لان البنك مش بيدفع حاجة بدالك انت اللى بتشحن الكارت وبتصرف على قد اللى شحنته بس

انها  لو مش عليها فلوس مش هينفع حد يشتري بيها حاجة … ودي ميزة طبعا لان لو (اللهم احفظنا) الهاكر دخل على جهازك واخد رقم البطاقة مش هيقدر يشتري غير بالمبلغ اللى موجود عليها فقط

وفي الحالة دي انت ممكن تأمن نفسك بانك ببساطة ما تسيبش عليها فلوس غير لما تكون ناوي تشتري حاجة تروح تشحنها في نفس اليوم وتدخل تشتري بيها علطول

انك ممكن تستخدمها في اى موقع بيقبل كروت فيزا او عليه علامة فيزا … ودي تقريبا معظم المواقع اللى اتعاملت معاها

انك بتكون متحكم في مصاريفك ومش بتجيلك فاتورة آخر الشهر تخضك وتجيبلك كرشة نفس

انها مصاريف اصدارها واجراءاتها بسيطة جدا

ارخص بنك شفته بيعملها هو كريدي اجريكول ب15 جنيه فقط وصورة البطاقة وبتستلمها في نفس الوقت علطول

طريقة استخدامها

فقط بتذهب لأى مكينة صراف آلي من ماكينات البنك تكون بتقبل اموال يعني تقدر تدخل فيها فلوس … والبنك بيديك ورقة مكتوب فيها عناوين الماكينات… وبعدين تحط المبلغ اللى انت عايزه في المكنة …. بس خلاص

وممكن طبعا تسحب فلوس في اى وقت من المكنة مادام في فلوس انت حاططها وما صرفتهاش

كدة ممكن بسهولة تشتري من على مواقع كتير جدا برة مصر … بس ساعات بيكون في مشكلة وهى ان الموقع مثلا لو في امريكا ومش بيشحن غير داخل امريكا فقط

دي بردو ليها حل عملته شركة أرامكس وهى خدمة

Shop & Ship

دي بتشترك فيها وبتدفع تقريبا 200 جنيه مرة واحدة فقط وبيفتحولك زى صندوق بريد في امريكا و انجلترا ويدوك عنوانه وانت لما تيجي تشتري من المواقع اللى ما بتشحنش برة امريكا بتكتب العنوان دة وتروح الشحنة على هناك ومن هناك تتحول علطول على مصر وتوصلك كمان لحد البيت لانهم بيعملولك التخليص الجمركي بمقابل مادي من 25 الى 50 جنيه

يلا فوتكم بعافية

انضم لجمهورية التي شيرتات على فيس بوك




مقالات أخرى
  1. عايز تعمل مشروع تجاري على الإنترنت؟
  2. سبع طرق للشغل على الإنترنت
  3. فوائد البيع عن طريق مول تجاري على الإنترنت
  4. لما تشتري تي شيرت من على النت
الأوسمة: , ,
هذه التدوينة حُرِّرَت بيوم Monday, February 15th, 2010 بتمام 10:07 pm وهي مصنفة في تجارة إلكترونية. يمكن متابعة التعليقات على هذه التدوينة من خلال تغذياتRSS 2.0 . بإستطاعتك إضافة تعليق, أو trackback من موقعك الخاص.
  • the unknown

    very good ifno ! thx :)

  • http://www.ooshi.net/ Ooshi

    You're welcome

  • http://www.facebook.com/people/Ahmed-Samy/1252846405 Ahmed Samy

    السلام عليكم
    اساسا انا قريت التوبيك من قرن
    بس فى سؤال وجهته الكام يوم الى فاتوا
    و الت اسئله هنا

    بالنسبة للجمارك المصرية
    انتى كاتبة انه شركة أرامكس بتخلص الجمارك ب25-50 جنيه

    بس يا ترى لو الموقع حيبعتوا لمصر مباشرا
    حتبقى الجمارك برضه 25-50
    ولا بتختلف…………

  • http://www.facebook.com/people/Ahmed-Samy/1252846405 Ahmed Samy

    السلام عليكم
    اساسا انا قريت التوبيك من قرن
    بس فى سؤال وجهته الكام يوم الى فاتوا
    و الت اسئله هنا

    بالنسبة للجمارك المصرية
    انتى كاتبة انه شركة أرامكس بتخلص الجمارك ب25-50 جنيه

    بس يا ترى لو الموقع حيبعتوا لمصر مباشرا
    حتبقى الجمارك برضه 25-50
    ولا بتختلف…………

  • http://www.ooshi.net/ Ooshi

    هى مش الجمارك اللى 25الى50 دة التخليص الجمركي لكن الجمرك نفسه على حسب سعر السلعة نوعها يعني مثلا الملابس بيكون 40% جمرك وضريبة .. لو لابتوب او اى كمبيوتر مش بيكون عليه جمرك بس بيكون في ضريبة 10% وهكذا .. لو الموقع هيبعته يبقى لازم تعرف اذا كان الشركة اللى هتشحن لمصر ممكن يخلصولك الجمارك ولا لازم تروح انت تخلصها بنفسك ولو هما اللى هيخلصوها يبقى غالبا بردو هياخدوا تخليص جمركي الى جانب الجمارك نفسها يعني مثلا شركة فيديكس بتاخد 100 جنيه تخليص جمركي …
    انا مرة طلبت من موقع يشحنلي على مصر مباشرة و شحن عبر البريد فالحاجة بتاعتي اتحجزت في البريد المصري عشان عايزيني اروح رمسيس ادفع الجمارك الأول وفي الآخر كلمتهم وقلت لهم يجيبوهالي البيت وانا هدفع الجمارك في البيت بس الموضوع كان شغلانة بصراحة

    • Htm Alm Dn

      هل الكلام ده اكيد: يعني لو عايز اجيب نت بوك اطمن اني مش هادفع غير 10% بس
      وماذا عن امان السلعة والاهاتكون مكسره
      وشكرا

      • http://www.ooshi.net/ Ooshi

        ايوة حضرتك هتدفع ثمن السلعة + 10% ضريبة مبيعات + مصاريف التخليص الجمركي (في ارامكس من 25 الى 50 جنيه تقريبا) وممكن تتأكد من ارامكس
        بالنسبة لأمان السلعة فشركات الشحن بتكون عاملة حسابها طبعا للحاجات القابلة للكسر انا طلبت قبل كدة جهاز
        kindle
        ووصل تمام بدون مشاكل

  • http://www.facebook.com/people/Ahmed-Samy/1252846405 Ahmed Samy

    شكرا على الرد
    جزاك الله خيرا

    طيب لو مثلا حيكون عليها 15% ضريبة
    بيحددوا ثمن الحاجة بتعتى على اى اساس
    لو معاها فاتورة احتمال يعرفوا منها
    طيب لو معهاش
    عشان ممكن اطلب من الشركة انها متحطش فاتورة مثلا

    معلش وجعت دماغك
    : )

  • http://www.ooshi.net/ Ooshi

    لو مش معاها فاتورة هما بيقدروا ثمنها على مزاجهم فلو الحاجة اللى انت جايبها مش غالية منصحكش تطلب منهم يبعتوها من غير فاتورة

  • http://www.facebook.com/people/Ahmed-Samy/1252846405 Ahmed Samy

    شكرا جزيلا
    جزاك الله خيرا

  • http://twitter.com/AbDooL11 Karem El KontY

    السلام عليكم يا ريت اوشى مساعدة بسيطة … عايز اشترى حاجات على موقع الامازون مثلا لابتوب وكاميرا وهاتف بلاك بيرى عايز اعرف تكلفتهم يجولى الغاية البيت مثلا بضرب مثل فقط
    وماهى الخطوات الى لازم تتعمل بظبط .. وجزيت خيراا مقدماا

  • http://www.ooshi.net/ Ooshi

    وعليكم السلام يا كريم

    هي التكلفة النهائية للحاجة بتتحسب كالآتي:
    1 سعر السلعة على الموقع
    2- ثمن الشحن داخل امريكا الى صندوقك بتاع ارامكس في نيويورك ودة ساعات بيكون مجاني (الا اذا كان الموقع ممكن يشحن لمصر مباشرة)
    3- ثمن الشحن من امريكا لمصر عن طريق ارامكس على حسب وزن السلعة لكن مثلا النص كيلو تقريبا 62 جنيه و الكيلو بيكون ب107 جنيه تقريبا وبيتغير مع الوقت بس هتلاقي الاسعار على موقع ارامكس بتدخل الوزن النهائي بيديك السعر
    4-االتخليص الجمركي: ودة غير الجمرك نفسه بيكون في ارامكس من 25 اللى 50 جنيه حسب ثمن السلعة + 10 جنيه
    5- الجمارك والضرائب: دي بتختلف من سلعة لأخرى لكن مثلا السلع اللى انت ذكرتها
    اللابتوب مش عليه جمارك وعليه 10% ضرائب
    الكاميرا عليها 5% جمارك و 25% ضرائب
    الهواتف مش عليها جمارك وعليها 10% ضرائب وبتعدي على وزارة الاتصالات عشان تاخد موافقة قبل ما تتخلص

    الخلاصة: السعر النهائي= السعر +الشحن الداخلي+ الشحن من امريكا+ الجمارك والضرائب+ التخليص الجمركي

    الخطوات هى انك الاول بتفتح حساب مع ارامكس اسمه حساب
    Shop and ship
    عشان لو هتطلب من موقع مش بيشحن لمصر مباشرة وبعد كدة بتعمل حساب على امازون و تشتري منه عادي جدا وتدفع بكارت الفيزا بس تحط عنوان الشحن في امريكا اللى مديهولك ارامكس . الحاجة هتوصل لارامكس وهما هيوصلوهالك لحد البيت ويخلصولك الجمارك وكل الاجراءات اللازمة

    جزانا واياكم

  • http://twitter.com/AbDooL11 Karem El KontY

    يعطيكم الف عافية … موفقين ان شاء الله رمضان كريم :)

  • http://www.ooshi.net/ Ooshi

    رمضان كريم يا كريم وكل عام وانتم بخير

  • http://kumonah.blogspot.com/ كمونة

    ماشاء الله مدونة جميلة جدا
    شكرا للمعلومة الجديدة المفيدة

    • http://www.ooshi.net/ Ooshi

      شكرا يا كمونة :)

      2010/11/30 Disqus

  • Anas Emad

    موضوع رائع جدا جدا

    الف مليون شكر عليه

    عندي كذا سؤال

    بنك مصر فيه الكروت المدفوعة مسبقا ولا لأ ؟

    الجمارك هل فيه معيار محدد ليها ؟

    • http://www.ooshi.net/ Ooshi

      العفو على ايه
      دة جدول بالجمارك والضرائب على معظم السلع والتصاريح المطلوبة لبعض السلع

      معرفش بنك مصر عنهم كارت مسبق الدفع او لا بس عامة حتى لو عندهم اسأل اذا ممكن يساعمل على الانترنت لأن بعض البنوك ما بتسمحش باستعماله على النت

      Type Duty (%) Tax (%)
      LapTop 0% 10%
      Digital Camera 5% 25%
      Computer Equipment 0% 10%
      CD’s Computer Data 0% 10% Censorship approval
      CD’s Programs 0% 10% Censorship approval
      VHS Tapes 0% 25% Censorship approval
      Video Camera 5% 25%
      Data Cartridge (for Printers) 0% 10%
      DVD’s 0% 10% Censorship approval
      DVD Player 30% 25% Censorship approval
      Electronics 10% 10%
      Web Camera 30% 25%
      Supplement 5% 10% Min. of Health Approval
      Clothes 30% 10%
      Shoes 30% 10%
      Catalogs 10% 10% Censorship approval
      Magazines 5% 0% Censorship approval
      Sports Equipment 5% 10%
      Makeup 30% 25% Min. of Health Approva
      Car Spare parts 10% 10%
      Chocolate 20% 10% Min. of Health Approval
      Poster 10% 10%
      Mobile Charger 0% 10%
      Mobile Battery 30% 10%
      Brochures 10% 10% Censorship approval
      Frame 30% 10% Censorship approval
      Stationary 30% 10%
      Toys 30% 10%
      Soap 30% 5% Min. of Health Approval
      Cables 10% 10%
      Cassette Tapes 0% 10% Censorship approval
      Watch 10% 10%
      Car accessories 10% 10%
      IPHONE 0% 10% Min. of Telecom. Approval
      IPOD+IPAD 20% 25%
      Books 5% 0% Censorship approval
      Play station 10% 10%

  • https://www.cashu.com/ كاش يو | الدفع عبر الانترنت

    كما يمكن استخدام كاش يو كوسيلة للدفع عبر الانترنت أمنة و سهلة الإستخدام

    تتميز كاش يو بأنها وسيلة مسبقة الدفع مما يعني بان المشتري التحكم الكامل بمقدار مصروفاته و كما انه لا يحتاج الى توفير اي معلومات شخصية مما يزيد من الامان و السرية في التعاملات المالية عبر الانترنت

    بالاضافة الى حقيقة ان بطاقات كاش يو متوفرة في جميع الدول العربية عن طريق اكثر من 2500 نقطة بيع و العديد من طرق و حلول التعبئة

    ندعوا الجميع لتجربة خدماتنا و تزودينا باي ملاحظات قد تساعدنا على تطوير خدماتنا بما يتناسب مع احتياجاتكم كتجار و مشتريين عبر الانترنت

    و لكم جزيل الشكر
    فريق كاش يو

  • mohamed elhosary

    انا عايز اشترى بعض الخدمات والكتب من على النت من مواقع بتتعامل بالبايبال … اعمل ايه؟ افيدونى

    • http://www.ooshi.net/ Ooshi

      لا يمكنك استخدام Paypal من مصر.. هناك من يستخدم عنوانا وهميا في امريكا مثلا ويسجل حسابا في Paypal ولكن كيف ستشحن حسابك ببطاقة ائتمان غير صادرة من امريكا. ايضا اذا علمت الشركة عن طريق الآى بي انك لست بامريكا فسوف يوقفون حسابك وقد تتعرض لضياع اموالك التي عليه

  • http://www.facebook.com/people/لا-تنحرف/100002875105019 لا تنحرف

    بص يمعلم انا رحت اعمل بطاقة انترنت visa من بنك مصر بس مرضيوش عشان البطاقة الشخصية مش مكتوب عليها وظيفة

    بس انا زمان عملتها مرتين من عندهم ومكنش فى الهبل دة مش عارف لية الرخامة دى بجد!!!

    وانا  ومن الأخر محتاج جداً اعمل كارت visa للأنترنت عشان عايز اشترى ps3 وانزل اللعب بتعتة من ps network وكمان عشان world of warcraft :D

    لو فى اى سكة تانية اقدر اعمل بيها visa for internet use الله يكرمك قلى!

    • http://www.ooshi.net/ Ooshi

      جربت بنك credit agricole أنا عملت كزا فيزا عنده وماكانش فيه الشرط دة إلا لو كان دة شرط جديد

  • http://www.facebook.com/people/لا-تنحرف/100002875105019 لا تنحرف

    كلمتهم امبارح قالولى لازم اثبات دخل مع انها visa for internet مش العادية
    تقريباً شرط جديد يعنى رخامة ببلاش

  • سحر من الامارات

    صراحة انا جديدة في موضوع التجارة الالكترونية ومولعة به حتى النخاع خاصة انه سوف يساعد النساء كثيرا على العمل من المنزل ويقرن في بيوتهن كما امر الله تعالى,لذلك عنما ارى امراة ناجحة في هذا المجال ادعو لها من كل قلبي واتمنى لها التوفيق فمابالك بامراة تساعد بعرض خبرتها وتنشر دروس مفيدة لغيرها بارك الله فيك اختي رشا واثابك الله وجعله الله في ميزان حسناتك يا رب.
    لو ممكن تبعتيلي الرابط بتاع اللقاء في قناة الجزيرة (كما علمت من احد الاخوات في رد لها هنا),لانه انا فعلا محتاجة اسمع قصص نسائية ناجحة حتى تثير في الحماس والعمل واتمنى ان اكون ناجحة فانا احتاج دوما لدعم لانني بدات العمل في التجارة الالكترونية عام 2007 عن طريق المنتديات ولكن من حين لاخر اكسل الله المعين.
    عذرا على الاطالة بس فعلا تستحقي الشكر لدروسك المفيدة ولي رجعة باذن الله

    • http://www.ooshi.net/ Ooshi

      شكرا يا سحر على تشجيعك وعلى تعليقك واتمنى لك التوفيق في تجارتك
      هذا رابط الفيديو http://www.youtube.com/watch?v=iAa05eEfaa4

  • Karim

    كنت عايز اشترى ملابس من على usa.tommy.com
    و لكن الفيزا و الماستر مش بيقبلوا
    ممكن حل؟

  • Helen White

    مرحبا بالجميع، وهناك القروض المتاحة!
     هل أنت عاشق الانترنت التجارية المشروعة، فرد أو مستثمر؟ هنا فرصة لك للحصول على ائتمان من المنزل هيلين المالي في المملكة المتحدة. نحن نعطيه قرض مع معدل فائدة منخفض للغاية من 4٪. HFH غير موثوق بها وفعالة ومعظم عجيب من ذلك كله هو أن يخدم في جميع أنحاء العالم تقديم المساعدة الإنسانية و. الاتصال هوم هيلين المالية اليوم والائتمان الخاصة بك.
     البريد الإلكتروني: Helenwhite00@hotmail.com اقول: +447024076667 التحيات؛ HFH قسم التسويق

  • Helen White

    مرحبا بالجميع، وهناك القروض المتاحة!

     هل أنت عاشق الانترنت التجارية المشروعة، فرد أو مستثمر؟ هنا فرصة لك للحصول على ائتمان من المنزل هيلين المالي في المملكة المتحدة. نحن نعطيه قرض مع معدل فائدة منخفض للغاية من 4٪. HFH غير موثوق بها وفعالة ومعظم عجيب من ذلك كله هو أن يخدم في جميع أنحاء العالم تقديم المساعدة الإنسانية و. الاتصال هوم هيلين المالية اليوم والائتمان الخاصة بك.

     البريد الإلكتروني: Helenwhite00@hotmail.com
     اقول: +447024076667
     التحيات؛
     HFH قسم التسويق