| اشترك عبر RSS

مصر هتختار طعمها

May 29th, 2010 مصنف في تسويق

أنت هتختار طعم ايه؟

ما تنكرش ان حبك لشركة شيبسي زاد بعد الحملة دي او على الأقل حسيت ان رأيك يهمهم.

طب ما هو الطبيعي ان رأيك يهمهم! مش انت المستهلك؟

الفكرة كلها انهم بالطريقة البسيطة دي عملوا اكتر من حاجة

  • أولا: أوجدوا تفاعلا مباشرا بينهم وبين المستهلك اللى هو الحلقة الاهم في السلسلة
  • ثانيا: خلقوا حالة من الانتماء للمنتج عند المستهلك لأنه شعر انه اصبح جزءا في عملية الانتاج وبيحدد مسارها
  • ثالثا: وفروا على نفسهم عناء وتكلفة انتاج منتج جديد ربما ينجح او يفشل.. ربما يلقى رواجا في السوق المصري او ربما لا يقبل عليه احد.ليه يقعدوا يفكروا ويفكروا ويفكروا في طعم شيبسي الجديد؟ طب ما يسألوا الناس عايزين ايه وخلاص.. وهو دة اللى عملوه

السنة الماضية عندما بدأت مشروعي اشتريت معظم الالوان المتوفرة من التي شيرتات عند المصنع وبكميات كبيرة ولكن عندما بدأت في البيع وجدت ان الطلب اقتصر على لونين فقط وباقي الالوان كما هى لم يتم بيع الا كميات قليلة جدا منها … فتعلمت الدرس.. وهذه السنة عندما بدأت التحضير للموسم الجديد احضرت عينات للألوان من المصنع وصورتها وقمت بنشر صورة على صفحتي على الفيس بوك وطلبت من الناس ان يساعدوني في اختيار الالوان فوجدت اقبالا كبيرة في التعليقات من الناس كما وجدت ان هناك الوانا حازت على معظم الاصوات وبالفعل اشتريت هذه الالوان. وهذه هى فائدة الشبكات الاجتماعية والتواصل مع المستهلكين بشكل عام انه يوفر عليك خسائر انت فى غنى عنها ويوجهك الى حاجات السوق بطريقة سهلة جدا وغير مكلفة بالمرة

كنا دايما بنسمع وندرس ان التسويق الحقيقي يبدأ من السوق المستهدفة نفسها وليس من المنتج.. يعني ما ينفعش تعمل منتج بدون ما تدرس السوق محتاجه او هيقبل عليه أم لا.. وبعد ما تكلف نفسك وتنتجه تبدأ تحاول تبيعه للناس-اللى هما اصلا مش محتاجينه- بالعافية… ايوة بالعافية! بعض الاعلانات في التليفزيون بتحسسك انك لازم تشتري المنتج بالعافية من كتر الزن اللى بيحصل وفي النهاية الناس اصبحت بتكره الاعلانات دي واول ماتيجي بتقلب المحطة

أعتقد ان الاقبال على حملة شيبسي كبير الى حد ما لانه الى لحظة كتابة هذا المقال تم ارسل 206488 طعم من الناس وطبعا الفرق واضح بين اعلان بيخلي الناس تقلب المحطة وبين اعلان بيخلي الناس تمسك تليفونها وتبعت رسالة للشركة وتختار طعمها

وفُتكم بعافية

  • Amir Shahin

    Thumb up ! 🙂
    بس ممكن حضرتك تعرفنا بنفسك أكتر؟

  • شكرا يا امير

    انا صاحبة مشروع Ooshi لطباعة وبيع التيشيرتات .. اتفضل زور الموقع
    بتاعنا http://www.ooshi.net عشان تتعرف على المشروع اكتر وهتلاقي فيديو موجود
    هناك وهنا في المدونة فيه مقتطفات من حوار اجريته مع قناة الجزيرة بيتكلم
    عن المشروع وعني باختصار وباقي الحوار موجود على موقع الجزيرة

    اتمنى تكون المدونة عجبتك واشكرك على التشجيع