| اشترك عبر RSS

سبع طرق لشراء البضاعة لمتجرك

April 26th, 2010 مصنف في تجارة إلكترونية

هذا المقال ضمن سلسلة مقالات التجارة الإلكترونية والتي كنا قد ناقشنا فيها فوائد وعيوب التجارة الإلكترونية وطرق الشغل على الإنترنت ثم انتقلنا للحديث عن المتجر الإلكتروني كأحد اشهر وسائل الشغل على الإنترنت

لما تيجي تفتح المتجر الإلكتروني هتعمل موقع على الإنترنت عشان تبيع من خلاله بضاعتك وتعرضها للناس . اليوم سنتحدث عن طرق مختلفة لشراء البضاعة مع الأخذ في الإعتبار ان مشروعك صغير وربما لا تملك الميزانية الكبيرة مثل المشروعات الكبيرة

طبعا الأمر بيعتمد على نوعية البضاعة التي تريد ان تعمل فيها (جديدة ،مستعملة) وعلى الميزانية ولكن سنتكلم بشكل عام

  • المصنع

دة أول خيار تضعه أمامك وتحاول اللجوء إليه لأنه طبعا بيكون أرخص سعر لكن المعروف ان الشراء من المصنع له عيوبه فأنت ستأخذ السعر الأرخص ولكن في الوقت نفسه ستأخذ كمية أكبر لبضاعة ربما لا تلقى رواجا في متجرك كما ان ذلك سيمنعك من التنوع في البضاعة لأنك ستضطر الى شراء كميات كبيرة من نفس النوع عشان تاخدها بسعر المصنع بينما كان ممكن تشتري كميات أقل من نوعيات مختلفة فيكون عندك أنواع كثيرة ومختلفة تعرضها على الزبائن لكن انت بتحدد خياراتك وبعدين بتشوف اى طريقة افضل لتجارتك

الآن اصبح من السهل الوصول الى اصحاب المصانع مباشرة عن طريق الانترنت عن طريق موقع مثل علي بابا

بتدخل وتكتب في البحث نوع البضاعة التي تريد شرائها وهتلاقي مصانع وتجار من جميع انحاء العالم ويمكنك مقارنة الأسعار ومعرفة الحد الأدنى للكميات المطلوبة وهكذا. حاول دائما ان تبحث عن مصنع في بلدك أولا لتجنب الاستيراد. كما يمكنك على نفس الموفع ان ترسل طلبا لشراء سلعة معينة  ويأتيك عروضا من المصانع فتختار منها

  • تجار الجملة

لو كنت مش هتقدر على كميات المصنع ممكن تلجأ للخيار التالي وهو تاجر الجملة اللى هو اصلا بيشتري من المصنع فطبعا هيبيعلك بسعر اعلى من سعر المصنع بس هيكون سعر الجملة وانت هتبيع قطاعي فهتكسب بردو ان شاء الله وممكن يكون دة احسنلك كما ذكرنا من قبل

  • تسييل (liquidation)

دي لو عرفت تلاقيها في مجال بضاعتك هتبقى فرصة حلوة جدا. بعض التجار بيكون محتاج سيولة وعنده بضاعة كثيرة جدا فبيعرضها بسعر رخيص جدا وربما يكون سعر المصنع أو أقل وبكميات اقل فبتكون فرصة لأى واحد عنده مشروع صغير

  • إستيراد

أحيانا بتكون البضاعة اللى انت عايز تشتغل فيها مش موجودة في بلدك ففي الحالة دي لازم تحدد الأول جدوى الموضوع قبل ما تستورد لأن الاستيراد يعني شحن وجمارك وبطاقة استيرادية فخلى بالك انك تجيب الحاجة اللى بعد ما تشحنها وتضيف عليها الجمارك والربح بتاعك تتباع بسعر منافس في السوق ودة غالبا بيمشي في السلع اللى مافيش معروض منها او مفيش حد غيرك بيجيبها والطلب عليها كويس. بعض الناس بتطلب مثلا ملابس ماركات عالمية ملهاش توكيل في مصر وتكون الناس بتحبها ودي ممكن تجيب منها كميات قليلة لأنك هتطلبها من على الانترنت بالقطعة وبعد كدة تضيف عليها ربحك. الطريقة دي ممكن تكون مفيدة لحد مش عايز يجيب بضاعة بكميات كبيرة

في ناس تانية بتسافر تجيب مثلا بضاعة من الصين بس السفرية دي اولا محتاجة مصاريف كتير وثانيا لازم تجيب كميات كبيرة عشان يكون ليها جدوى وتاخد اسعار كويسة

  • أصحاب المهارات الفنية

في ناس بتعمل شغل يدوي جميل جدا مثلا تحف او مصوغات او حاجات للديكور وبيكون شغلهم مميز ومش موجود في كل حتة . ممكن تتفق مع واحد او اتنين منهم انك تسوق لهم الحاجت اللى هيشتغلوها او تشتري منهم بسعر الجملة وتبيع على الانترنت

  • بواقي المصنع

لما بدأت الشغل بتاعي كان ساعات بيعرض عليا حاجات بواقي مصنع وماركات عالمية زى مثلا Gap,Banana Republic وطبعا كنت برفضها لأني مش عايزة ابيع حاجات فيها عيوب بس فهمت بعد كدة ان انا كنت فاهمة غلط وغالبا ناس كتير هتكون فاهمة غلط زيي لأن بواقي المصنع بتبقى نوعين. نوع بيكون الحاجات اللى طلع فيها عيوب ونوع تاني بواقي الكميات الزائدة عن حاجة المصنع. يعني مثلا المصنع محتاج 20000 قطعة فبيصنع 22000 عشان ممكن حاجات يكون فيها عيوب بيطلع مثلا 500 فيهم عيوب و1500 زيادة عن حاجته بس من غير عيوب. انا عن نفسي ما جربتش اشتري منهم لأني كنت عايزة تي شيرتات خاصة بيا وعليها الماركة بتاعتي لكن ممكن لو انت عايز تبيع ماركات مشهورة تشتري من بواقي المصنع اللى من النوع التاني اللى من غير عيوب وبيكون اسعارها رخيصة جدا لكن طبعا لازم تعاين البضاعة كويس قبل ما تشتريها ويفضل انك تفهم زباينك ان دي بواقي مصنع لأنك أصلا هتبيعهم بسرع ارخص من العادي فلازم تفهمهم ليه سعرك رخيص عشان يكون فيه مصداقية وعشان هما ما يفتكروش ان بضاعتك معيوبة. بس الطريقة دي بردو بتتطلب انك تاخد كميات كبيرة

سمعت من أحد التجار ان الناس دلوقتي بقت عايزة الحاجات الرخيصة لدرجة ان بعض المحلات اللى كانت بتجيب ماركات من برة وبتبيعها بسعر غالي بدأت تصفي نشاطها وتغلق لأن الاقبال بقى على الحاجات الأرخص وأكبر دليل على كدة الموبايلات الصيني المنتشرة في مصر لدرجة خلت جهاز تنظيم الاتصالات يقطع عنها الخدمة ومع ان نفس ماركة الموبايل الاصلي ليها وكيل في مصر بس في ناس كتير بتفضل الصيني عشان سعره وان كنت انا شخصيا بكره اى حاجة صيني لأني بحس انك هتدفع في النهاية قد اللى كنت هتدفعه في الحاجة الاصلية لأن الصيني هيبوظ وهتصلحه ويبوظ وتصلحه ويبوظ وترميه وتشتري غيره صيني بردو ويبوظ وتصلحه … الخ

  • المستعمل

أهو المستعمل دة له سوق لوحده وليه الناس اللى بتشتريه بردو عشان سعره بيكون رخيص بس طبعا اهم حاجة لو هتبيع على الانترنت انك تفهم الناس طبيعة البضاعة انها مستعملة و توصف حالتها بدقة ويكون فيه مصداقية عشان تقدر تكمل المشروع. النوع دة منتشر حتى في أمريكا على e-bay مثلا هتلاقي حاجات كتير بتباع مستعملة ودة مش عيب بس هيكون عليك مجهود كبير اوي عشان تقدر تشتري حاجة وتتأكد ان ما فيهاش عيوب كبيرة لأن لو طلع فيها عيوب فدة هيضر اسمك انت قبل اى حد تاني. طبعا الطريقة اللى هتجيب بيها البضاعة المستعملة بتكون سهلة بس انصحك بحاجة حلوة سمعت عن ناس بتعملها ، بيكون في اجانب مثلا جايين يقعدوا في مصر سنة او سنتين فبيشتروا احتياجاتهم المعيشية من الاجهزة زى مثلا تكيفات ،ثلاجات، غسالات، تليفزيونات وأثاث وبعدين قبل ما يسافروا بيحاولوا يبيعوا الحاجت دي وبيكون استعمالها خفيف جدا (سنة او اثنين) – استعمال طبيب يعني 🙂 – وحالتها جيدة وسعرها رخيص جدا لأنهم بيكونوا خلاص مسافرين قريبا فدي بتكون فرصة لأى تاجر عايز يشتغل في المستعمل

دي بعض الأفكار لطرق مختلفة ممكن تجيب بيها البضاعة وزى ما قلنا بتختلف على حسب السلعة والميزانية ويا رب تكون مقالة مفيدة

وفُتكم بعافية

  • Pingback: links for 2010-10-29 « Free Open Source Directory()

  • اولا شكرا لك على المعلومات المفيدة وطريقة العرض المنظمة والمميزة وجزاك الله كل خير على مجهودك وكرمك فى اعطاء الملعلومات المفبدة انا كان عندى سؤال بخصوص نقطتين اتمنى اجد الاجابة بتفصيل اكثر
    اولا :الاستيراد…انا شفت واتعاملت مع ناس كتير عاملين مجموعات على النت بيجيبوا حاجات من برة , والناس تطلب وهما يسلموا الاوردر…انا كنت احب اعرف طب ايه اللى يخلى الناس تطلب عن طريق المجموعة اللى بتستورد دى..مادخل مثلا على المازون او الاى باى واطلب على طول يبقى وفرت الربح اللى بياخده صاحب المجموعة (المستورد)…انا كده فاهمة صح ولا فى حاجة انا مش فاهماها؟
    طب ازاى اصلا باستورد..يعنى مثلا لو عايزة استورد منتجات ماركة معينة بتفق معاهم ازاى؟ وهل بحصل منهم على خصم؟ وبلاقيهم ازاى اصل

    ثانيا: بواقى المصانع
    انا شخصيا بحب اشترى وبدور على المحلات اللى بتبيع الحاجات دى لانها بتبقى لقطة فعلا.وكمان بواقى المحلات بتاعة الماركات العاملية…سؤالى هو ازاى برضه..يعنى بالف على عنواين المصانع بنفسى من غير ماكون اعرف فيها حد واقولهم مثلا انا عايزة اشترى منكم مثلا 10 قطع من ده وعشرة من ده وكده؟ وكذلك المحلات اعمل كده برضه؟ يعنى اكنى مندوب؟..وهل باخد منهم خصم برضه

    عذرا على اسئلتى الطويلة والساذجة لكن فعلا احب اتعلم ومن النوادر ان اجد شخص مثلك مستعد لتعليم الاخرين

    للتواصل
    nouranatef@yahoo.com

    • شكرا على تعليقك وتشجيعك يا نوران

      المجموعات اللى بتقولي عليها بتستعمل نفس طريقة الشراء اللى ذكرناها في المقال دة
      http://blog.ooshi.net/44/%d8%a5%d8%b2%d8%a7%d9%89-%d8%aa%d8%b4%d8%aa%d8%b1%d9%8a-%d9%85%d9%86-%d8%a7%d9%84%d8%a5%d9%86%d8%aa%d8%b1%d9%86%d8%aa-%d8%a8%d8%af%d9%88%d9%86-%d8%ad%d8%b3%d8%a7%d8%a8-%d8%a8%d9%86%d9%83%d9%8a/

      هى باختصار انهم بيفتحوا حساب مع ارامكس ويشتروا الحاجات من امريكا او انجلترا وتتشحن لحد عندهم ويضيفوا عليها هامش ربح… اللى بيخلي الناس تشتري عن طريقهم ان ناس كتير مش عندها كروت فيزا تدفع بيها على امازون او اى موقع تاني واللى عنده كروت بيخاف يستعملها على النت عشان لو اتسرق رقم الكارت… وفي ناس ما تعرفش اصلا موضوع ارامكس وان ممكن تشتري من امريكا والشحنة تيجي على مصر فبيشتروا عن طريق المجموعات

      احسن شيء انك تشوفي السعر اللى المجموعة حاطاه كام وتقارنيه بالسعر اللى هتدفعيه لو جبتيها لوحدك .. استعملي طريقة الحساب الموجودة في تعليقات المقال دة عشان تعرفي السعر النهائي للسلعة بعد اضافة الشحن والجمارك والتخليص الجمركي وكل حاجة

      ايضا بعض المواقع لا تقبل كروت الفيزا المصدرة خارج امريكا او مثلا تشترط وجود حساب على باى بال وهو غير متوافر في مصر. في الحالة دي افضل انك تشتري عن طريق المجموعة لان هما بيكون عندهم كارت مصدر من امريكا او حساب على الباى بال

      لو عايزة تستوردي منتجات ماركة معينة بغرض الاتجار فيها يبقى لازم الاول تعملي شركة وتطلعي شهادة استيراد. موضوع الشركة دة مش صعب وممكن تخلصيه في اسبوع واحد عن طريق فروع الصندوق الاجتماعي هيطلعولك السجل التجاري والبطاقة الضريبية وبعد كدة بتطلعي شهادة الاستيراد بس بتكون تكلفتها اعتقد في حدود 6000 جنيه على ما اذكر

      بعد ما تطلعي التراخيص بتبعتي للشركات مثلا عن طريق الموقع الالكتروني بتاعهم هتلاقي بيانات الاتصال بتاعتهم وتشوفي ايه متطلباتهم عشان تستوردي منهم لأن اى حد عشان يديكي خصم لازم تاخدي كمية كبيرة

      بالنسبة لبواقي التصدير في ناس بتتاجر في الحاجات دي بس بردو عشان تاخدي منهم بسعر كويس لازم تاخدي كميات كبيرة يعني مثلا الف قطعة من كل منتج

      تلاقيهم ازاى:
      ادخلي على موقع علي بابا
      http://www.alibaba.com/
      واختاري المنتج اللى انتي عايزاه .. هتلاقي موزعين ومصانع كتير جدا اختاري البلد مصر عشان تلاقي الناس اللى في مصر فقط لو عايزة تتجنبي الاستيراد
      لو ما لقيتيش اللى انتي عايزاه سجلي في الموقع واكتبي طلب باللى انتي عايزاه ومواصفاته والناس اللى بتبيعه هتبعتلك وانتي تختاري احسن عرض

      اتمنى اكون افدتك

  • اولا شكرا لك على المعلومات المفيدة وطريقة العرض المنظمة والمميزة وجزاك الله كل خير على مجهودك وكرمك فى اعطاء الملعلومات المفبدة انا كان عندى سؤال بخصوص نقطتين اتمنى اجد الاجابة بتفصيل اكثر
    اولا :الاستيراد…انا شفت واتعاملت مع ناس كتير عاملين مجموعات على النت بيجيبوا حاجات من برة , والناس تطلب وهما يسلموا الاوردر…انا كنت احب اعرف طب ايه اللى يخلى الناس تطلب عن طريق المجموعة اللى بتستورد دى..مادخل مثلا على المازون او الاى باى واطلب على طول يبقى وفرت الربح اللى بياخده صاحب المجموعة (المستورد)…انا كده فاهمة صح ولا فى حاجة انا مش فاهماها؟
    طب ازاى اصلا باستورد..يعنى مثلا لو عايزة استورد منتجات ماركة معينة بتفق معاهم ازاى؟ وهل بحصل منهم على خصم؟ وبلاقيهم ازاى اصل

    ثانيا: بواقى المصانع
    انا شخصيا بحب اشترى وبدور على المحلات اللى بتبيع الحاجات دى لانها بتبقى لقطة فعلا.وكمان بواقى المحلات بتاعة الماركات العاملية…سؤالى هو ازاى برضه..يعنى بالف على عنواين المصانع بنفسى من غير ماكون اعرف فيها حد واقولهم مثلا انا عايزة اشترى منكم مثلا 10 قطع من ده وعشرة من ده وكده؟ وكذلك المحلات اعمل كده برضه؟ يعنى اكنى مندوب؟..وهل باخد منهم خصم برضه

    عذرا على اسئلتى الطويلة والساذجة لكن فعلا احب اتعلم ومن النوادر ان اجد شخص مثلك مستعد لتعليم الاخرين

    للتواصل
    nouranatef@yahoo.com

  • marim mohmed

    السلام عليكم ورحمة الله اولا احب اشكرك جدا على المعلومات القيمة دية عيزة اقول انى عندى استعدادات انى اعمل مشروع عن طريق النت ولاكن ينقصنى المعرفة انا عندى الخبرة الكافية عن طباعة الملابس جيدة جدا ولكن معرفش مصانع ملابس اعرض عليهم المشروع وكمان هم مش هيستقبلو دة كويس بحكم انى لسة مبتده ياريت تقدر تساعدنى فى الموضوع دة

    • وعليكم السلام يا مريم

      المصنع مش هيمانع انه يعملك حاجتك مادام هتاخدي الكمية اللى هو هيقولك عليها واللي في الغالب هتكون كبيرة جدا

      في مقال في المدونة هنا بعنوان تحيا الصناعة المصرية هتلاقي فيه بعض المعلومات عن كيفية التعامل مع المصانع .. اما بالنسبة للعثور على ارقام المصانع فدة ممكن من خلال موقع مثل على بابا هتلاقي فيه مصانع كتير من مصر بتعرض خدماتها
      Sent from my BlackBerry® smartphone

    • Sijun001

      سلام عليكم يا مريم..لو سمحت ممكن اعرف إيه نوع الطباعة علي الملابس اللي انت بتعمليه؟ احب اشكر الاخت علي مجهدوها الرائع في عرض مقالها وانا كمان بعرض علي كل الناس مساعدتي لان عندي خبرة طويلة في الاستيراد وعلي فكرة أنا مقيم في الصين من سنين وواثق ان فيه شغل كتير في مصر ممكن يتعمل… يا ريت نحط كل خبرتنا مع بعض ونشوف ممكن نعمل إيه سوا..منتظر ردكم

  • Swify2

    سلام عليكم

    انا هعرض عليكم بيزنس جامد جدا عن طريق النت عشان تستفيدوا  و الناس تستفيد .

    فى شركه تنقيب عن الدهب اسمها فيرجن جولد للتنقيب عن الذهب والمعادن

    الشركه قامت بطرح اسهمها للاكتتاب و توزيع ارباح ثابته شهريه على
    المساهمين سعر شراء 1000 سهم = 1600$ + 150$ مصاريف تحويل = 1750$ يعنى
    بالمصري 10500جنيه

    الارباح التى توزع على الف سهم بتكون 12% من سعر اوقيه الذهب التى تتراوح مابين 1550$ الى 1800$

    يعنى تربح من 185$ الى 200$ شهريا

    اذا اردت الاستفسار لاتتردد فى الاتصال 01004800491

    لمزيد من التفاصيل

    https://www.facebook.com/pages/Arab-vgmc/186132144761665

    للتسجيلhttps://secure.vgmc.com/SH/docs/RegistrationMembers.aspx

    رقم المحيل :064174028035

  • بضاعة من الصين

    لسلام عليكم ورحمة الله وبركاته

    نقوم بتوفير بضاعه من الصين الى السعوديه

    ملابس اكسسوارات علب بلاستيك فساتين تيشيرتات مضلات مسابح قبابيع شنط وكل شيء باذن الله

    باسعار مناسبه للجميع

    التواصل على الواتس اب 0549608912
    والتوفيق من الله اسال الله الرزق الحلال المبارك لي وللجميع

    توفير بضاعة من الصين للسعودية حسب الطلب والتصميم باسعار مناسبة

    انستجرام / @china_buying

    تويتر / @china_buying

    مندوب السعودية/0549608912

    مندوب الصين/008615918450667

    تتوفر خدمة الواتس اب

  • dina yhyia

    عايزة اسال حضرتك اشتري ازاي ملابس من على المواقع الانترت الصينيه وطريقه الشحن والجمارك ارجو الافادة

  • احمد

    انا احمد محمد ممكن